ਜਪੁਜੀ ਦਾ ਰੱਬ

ਪੁਸਤਕ "ਜਪੁਜੀ ਦਾ ਰੱਬ" ਗੁਰੂ ਨਾਨਕ ਦੇ ਸਤਿ ਭਾਵ ਪਰਮ-ਸਤਿ ਦਾ ਅਧਿਐਨ ਹੈ। ਇਹ ਸੰਕਲਪ ਉਨ੍ਹਾਂ ਨੇ ਗ੍ਰੰਥ ਸਾਹਿਬ ਦੀ ਸਭ ਤੋਂ ਮੁਢਲੀ ਬਾਣੀ ਮੂਲਮੰਤਰ ਦੇ ਅਰੰਭ ਵਿਚ ਦਿਤਾ ਹੋਇਆ ਹੈ।
ਇਸ ਅਧਿਐਨ ਅਨੁਸਾਰ ਵਿਗਿਆਨਕ ਰੁਚੀ ਦਾ ਜੋ ਬਦਲਾਉ ਯੂਰਪ ਵਿਚ ਪੰਦਰ੍ਹਵੀਂ-ਸੋਲ੍ਹਵੀਂ ਸਦੀ ਵਿਚ ਆਉਣਾ ਅਰੰਭ ਹੋਇਆ ਉਹ ਗੁਰੂ ਨਾਨਕ ਨੇ ਭਾਰਤ ਵਿਚ ਇੱਥੋਂ ਦੇ ਸਮਾਜਿਕ ਸੰਧਰਵ ਅਨੁਸਾਰ ਪਹਿਲਾਂ ਹੀ ਅਰੰਭ ਕਰ ਦਿੱਤਾ ਸੀ। ਉਹਨਾਂ ਦੇ ਯੂਰਪੀਨ ਸਮਕਾਲੀ ਹਾਲੇ ਧਰਮ-ਵਿਰੋਧੀ ਮਤੇ ਪਕਾ ਹੀ ਰਹੇ ਸਨ ਕਿ ਗੁਰੂ ਸਾਹਿਬ ਨੇ ਘੜ੍ਹਿਆ ਘੜਾਇਆ ਵਿਗਿਆਨਕ ਸਿਧਾਂਤ ਵਿਸ਼ਵ ਅੱਗੇ ਰੱਖ ਦਿੱਤਾ।
ਜਦੋਂ ਭਾਰਤਵਰਸ਼ ਸਮੇਤ ਸਾਰਾ ਏਸ਼ੀਆਈ ਮਹਾਂਦੀਪ ਅੰਧ-ਵਿਸ਼ਵਾਸ਼ੀ ਸੋਚ ਹੇਠ ਦੱਬਿਆ ਹੋਇਆ ਸੀ, ਉਹਨਾਂ ਨੇ ਬ੍ਰਹਮੰਡ ਦਰਸ਼ਨ ਨੂੰ ਮੱਨੁਖੀ ਅਨੁਭੱਵ ਤੇ ਵਿਵੇਕ ਅਨੁਸਾਰ ਢਾਲਣ ਦੀ ਗੱਲ ਆਖੀ। ਸਮੇਂ ਤੋਂ ਪਹਿਲਾਂ ਆਏ ਉਹਨਾਂ ਦੇ ਵਿਚਾਰ ਉਸ ਵੇਲੇ ਕਿਸੇ ਦੀ ਸਮਝ ਵਿਚ ਨਹੀਂ ਆਏ। ਇਸ ਲਈ ਲੋਕਾਂ ਨੇ ਉਹਨਾ ਨੂੰ ਦੂਜਿਆਂ ਵਰਗਾ ਹੀ ਸ਼ਰਧਾ ਦਾ ਪਾਤਰ ਜਾਣ ਕੇ ਭਗਤੀ ਮਾਰਗ ਨਾਲ ਜੋੜ ਲਿਆ। ਅਚੰਭੇ ਦੀ ਗੱਲ ਇਹ ਹੈ ਕਿ ਨਾ ਕਿਸੇ ਨੇ ਉਹਨਾਂ ਦੀ ਬਾਣੀ ਨੂੰ ਦਿਲ ਲਾ ਕੇ ਪੜ੍ਹਿਆ ਤੇ ਨਾ ਵਿਚਾਰਿਆ।
ਅਸਲ ਵਿਚ ਇਹ ਇਕ ਵਿਗਿਆਨਕ ਵਿਕਾਸ ਦੇ ਅਜੰਡੇ ਵਾਲਾ ਦਸਤਾਵੇਜ ਹੈ ਜੋ ਆਪਣੇ ਆਪ ਵਿਚ ਅਦੁੱਤੀ ਹੈ। ਇਸ ਦਾ ਮਨੋਰਥ ਰਹਿੰਦੀ ਦੁਨੀਆਂ ਤੀਕਰ ਬਣਿਆ ਰਹੇਗਾ ਤੇ ਵਿਗਿਆਨ ਇਸ ਤੋਂ ਸੇਧ ਲੈ ਕੇ ਪਰਮ-ਸਤਿ ਪ੍ਤੀ ਖੋਜ ਕਰਦਾ ਰਹੇਗਾ।

Be the first to write a comment and rate this book